മനുഷ്യന്‍ ഒരു മായാ ശില്‍പം
ചലനം സജീവത ചിന്ത ശബ്ദം
സ്നേഹം പ്രണയം കാമം
രൌദ്രം സൌമ്യം എല്ലാം ചേര്‍ന്നത്
ഭാവനയ്ക്ക് ചിറകുള്ളവന്‍ മര്‍ത്യന്‍
ഭൂതലം ചുവടാക്കി വാനം തേടിയോന്‍
സാഗരനീലിമയില്‍ ആഴം തിരഞ്ഞവന്‍
ഹിമ ശൈലങ്ങളില്‍ ചുവട ളന്നവന്‍
ഇല്ലവന് തുല്ല്യമൊരു ജീവനും ജീവിയും
ഇല്ലവനുമേലൊരു ബുദ്ധിയും ശക്തിയും
ഉപരിയൊരു ശക്തിയുമില്ലവനെ വെല്ലാന്‍
അധികാരിയില്ലവന് ആരാധ്യനില്ല
നഗ്നന്‍ സ്വതന്ത്രന്‍ ജന്മനാല്‍
കര്‍മ്മ സര്‍ഗ ശേഷികള്‍ക്കുടയവന്‍
വിശേഷാകാരമുടയ ശില്‍പമവന്‍
നരന്‍ പ്രകൃതി യുടെ മഹദ് വരം
കൊള്ളാം
ReplyDelete