Wednesday, 14 March 2018

പ്രപഞ്ച ശൂന്യതയില്‍ ഞാനൊരു കണിക ആയിരുന്നില്ലേ,കാഞ്ചന ശോഭയാര്‍ന്നതല്ല,അഞ്ജനകാന്തിയിയന്ന ഘനസാന്ദ്രബിന്ദു . തമതലങ്ങളിലെ ഘനഗൌഹരങ്ങളില്‍തപംകൊള്ളുകയായിരുന്നില്ലേ, പിന്നെപ്പോഴാണു കാലങ്ങളും കാതങ്ങളുംതാണ്ടിനേര്‍ത്ത പ്രകാശ രേണുക്കള്‍ എന്നെ തേടിയെത്തിയത് ? അതെന്നില്‍ നിറച്ച ശാക്തേയകണംആവില്ലേ തെന്നിത്തെറിച്ച് പ്രപഞ്ച വിശാലതയുടെ മഹാപരപ്പുകള്‍ താണ്ടാനുളള ഊര്‍ജ്ജമെന്നില്‍ നിറച്ചിരിക്കുക . പ്രാപഞ്ചിക പഥങ്ങളിലെ അഗാധതകളിലും ഉച്ഛസ്ഥലികളിലും വാതങ്ങളിലും നീന്തിയും പതനംകൊണ്ടും കരേറിയും കോടികോടിയുഗങ്ങള്‍ കാതങ്ങള്‍ താണ്ടി എന്തെന്നറിയാതെ എവിടെന്നറിയാതെ പ്രപഞ്ചകോണില്‍ ഒരിടത്ത്ഒ രുനാള്‍ എത്തിപ്പെട്ട ഞാനെന്ന ശ്യാമാബിന്ദു പ്രണയത്തിന്റെ വശ്യകാന്തികൊണ്ട് എന്തും തന്നിലേക്ക് വലിച്ചടുപ്പിക്കുന്ന ഭൂമിയുടെ കാരുണ്യത്തിന്റെ കരങ്ങളാല്‍ വലിച്ചടുപ്പിക്കപ്പെട്ടു സമുദ്രാന്തര്‍ഭാഗത്തെ മഹാ ഘനശ്യാമശീതാവസ്ഥയില്‍ പതിച്ചു.വീണ്ടും സഹസ്രയുഗങ്ങള്‍ ജീവന്‍റെഉരുവപ്പെടലിനായുള്ളഅടയിരുപ്പ്......

മതി ,ബാക്കി കഥ നിങ്ങള്‍ക്കറിയാം ....

Tuesday, 12 September 2017

ആളുകളെ നിരീക്ഷിക്കുക പ്രത്യേകിച്ചു വിവിധ രാജ്യങ്ങളിലെ ആളുകളെ നിരീക്ഷിക്കുന്ന ഒരു ശീലമുണ്ട് എനിക്ക് . ഓരോ ജനതയ്ക്കും അവരുടെതായ സവിശേഷ ചലന രീതികള്‍ ഉണ്ട് ,ബോഡി ലാംഗ്വേജ് . അത് പോലെ കര്‍മ്മ രീതികളില്‍ വിത്യാസം ഉണ്ട്, ഭാഷ വിത്യാസപ്പെട്ടിരിക്കുന്നത് പോലെ സംസാരത്തിന് ഒപ്പം ചുണ്ടുകളുടെ ചലനവും ആന്ഗികപ്രയോഗങ്ങളും എല്ലാം വിത്യസ്ഥ രീതികളില്‍ ആണ് . അറബ് ജനത ആന്ഗ്യം കൂടി ചേര്‍ത്തു കൊണ്ടല്ലാതെ സംസാരിക്കയില്ല . നമ്മുടെ ആളുകള്‍ തല ചലിപ്പിച്ചാണ് പലതിനും പ്രതികരിക്കുക . അത് പോലെ രാജ്യാതൃത്തികള്‍ പങ്കു വയ്ക്കുന്ന പ്രദേശങ്ങളിലെ ജനങ്ങളില്‍ രണ്ടു ദേശങ്ങളിലേയും ചലന സ്വഭാവ ശാരീരിക പ്രത്യേകതകള്‍ കണ്ടെത്താന്‍ ആവും .

ഞാന്‍ ഇയ്യിടെ ഭൂരിപക്ഷവും നേപ്പാള്‍ വംശജര്‍ ജോലി ചെയ്യുന്ന സ്ഥാപനത്തില്‍ ജോലി സംബന്ധിയായി പോകുന്നുണ്ട് . നേപ്പാളികള്‍ വളരെ ദരിദ്രമായ പക്ഷാത്തലത്തില്‍ നിന്ന് വരുന്നവരാണ് എങ്കിലും സാമാന്യ വിദ്യാഭാസത്തിന്റെ കാര്യത്തില്‍ ഉത്തരേന്ത്യന്‍ സംസ്ഥാനങ്ങളെക്കാള്‍ വളരെ മുന്നിലാണ് അവര്‍ . മാത്രമല്ല ജോലി ചെയ്യാന്‍ മടി ഇല്ലാത്തവരും ആണ് . എന്നാല്‍ ഞാന്‍ നേരത്തെ പറഞ്ഞ ദ്വന്ദഭാവം അനുസരിച്ചു അവരില്‍ ഇന്ത്യന്‍ അലസതയും ചൈനീസ് കര്‍മ്മ ശേഷിയും കാണാന്‍ ആകും . വളരെ ചടുലമായി ചലിക്കുകയും പണി ചെയ്യുകയും ചെയ്യുന്ന ചൈനീസ് രീതി ചിലരില്‍ കാണാം, അതേപോലെ ഇന്ത്യന്‍ പുകയില ചവയ്പ്പും കാല്‍മുട്ടില്‍ തലയൂന്നി കുത്തിയിരിക്കുന്ന കയറ്റുകട്ടില്‍ അലസതയും അവരില്‍ കാണാന്‍ ആകും . ചൈനാക്കാരുടെ അന്തര്‍മുഖത്വവും അടുത്തിടപഴകാന്‍ ഉള്ള മടിയുമുള്ളവര്‍ ആണെന്ന് ചിലരെ ശ്രദ്ധിച്ചാല്‍ മനസ്സിലാകും മറ്റു ചിലരാകട്ടെ ഉത്തരേന്ത്യക്കാരെ പോലെ ചിലച്ചു കൊണ്ടിരിക്കയും നാടോടി ഗാനങ്ങളോ നാലാം കിട ഹിന്ദി സിനിമകളോ കോമഡികളോ കണ്ടിരിക്കാന്‍ ഇഷ്ട്ടപ്പെടുകയും ചെയ്യുന്നു . അന്ധവിശ്വാസങ്ങളില്‍ ഇന്ത്യാക്കാരെ വെല്ലുന്ന ആളുകള്‍ ആണെന്നാലും പ്രത്യക്ഷത്തില്‍ അത്തരം വേഷം കെട്ടലുകള്‍ കുറവാണ് വലിയ കുങ്കുമ ക്കുറി തൊടല്‍ കയ്യിലും കഴുത്തിലും കയറു പിരിച്ചു കെട്ടല്‍ താവീസും ഉറുക്കും നൂലും കെട്ടല്‍ കല്ല്‌ കെട്ടിയ മോതിരം ധരിക്കല്‍ പോലുള്ളവ ഒന്നും വലുതായി കാണാറില്ല . ചിലര്‍ കാലില്‍ ഒരു കറുത്ത ചരട് കെട്ടിയത് കാണാം മിക്കവരും പച്ച കുത്തും അതില്‍ ദൈവങ്ങള്‍ വരിക കുറവാണ് . കുടുമ നീട്ടി വയ്ക്കുന്ന ചിലരെ കാണാന്‍ ആകും എന്നത് ഒഴിച്ചാല്‍ ജാതി അങ്ങിനെ വലുതായി പ്രശ്നം അല്ല അവരുടെ ഇടയില്‍ . എന്നാല്‍ ഓരോരുത്തരും അവരുടെ ജാതിയില്‍ വിശ്വസിക്കുന്ന ആളുകളും ആണ് . ദേശികള്‍ മദേശികള്‍ എന്നിങ്ങനെ പറയുമെന്നാലും പൂര്‍വ്വദേശ വാസികള്‍ ആയ ചൈനീസ് പ്രകൃതമുള്ള പഹാഡികള്‍ മദേശികളായ ഇന്ത്യന്‍ പ്രകൃതം ഉള്ളവരുമായി വലിയ കലഹം ഇല്ലാതെ പോകുന്നുണ്ട് . ഞാന്‍ വിസിറ്റ് ചെയ്യുന്ന സ്ഥാപനത്തില്‍ അവരെല്ലാം തന്നെ സഹകരിച്ചു പ്രവര്‍ത്തിക്കുന്നവര്‍ ആണ് എന്ന് കാണാന്‍ കഴിഞ്ഞു . വേഷം കെട്ടലില്‍ ലേശംആഡംബര സ്വഭാവം കാണിക്കുന്നതില്‍ ചൈനീസ് നിറം ഉള്ള ആളുകള്‍ ആണ് മുന്നില്‍ എന്ന് കാണുന്നു . ഇന്ത്യന്‍ പ്രകൃതക്കാരില്‍ അത് ഇത്തിരി കുറവാണ് എന്നാല്‍ പണിയെടുക്കുന്നതില്‍ നമ്മള്‍ ഇന്ത്യക്കാരെ പോലെ തന്നെ ആണ് അവര്‍ . ഇടുങ്ങിയ കണ്ണുള്ള നേപ്പാളി പഹാഡികള്‍ നന്നായി പണി എടുക്കുകയും അത് പോലെ ചിലവാക്കി ജീവിക്കുകയും ചെയ്യുന്ന രീതിക്കാര്‍ ആണ് . വളരെ നേരത്തെ ഉണരുകയും പതിനൊന്നു മണിക്ക് മുന്‍പുതന്നെ ഉച്ച ഭക്ഷണവും ആറുമണിക്ക് മുന്‍പ് രാത്രി ഭക്ഷണവും കഴിക്കുക എന്ന ചൈനീസ് പാരമ്പര്യ രീതിയാണ് പഹാഡികള്‍ക്ക് . ഇന്ഡ്യന്‍ പക്ഷക്കാര്‍ക്ക് അങ്ങിനെ സമയ കാലങ്ങള്‍ ഒന്നുമില്ല .

ഇങ്ങിനെ സൂക്ഷ്മമായി നിരീക്ഷിച്ചാല്‍ ഓരോ ജനതയ്ക്കും അവരുടെതായ വിത്യസ്ത ഭാവങ്ങള്‍ പ്രവൃത്തിയുടെയും ചലങ്ങളുടെയും ഒക്കെ നിരീക്ഷണത്തില്‍ കൂടി കണ്ടെത്താന്‍ ആകും . രസകരമാണ് മനുഷ്യരുടെ ചലനങ്ങള്‍ പ്രകൃതങ്ങള്‍ . ഓരോ മനുഷ്യരും ഓരോ വലിയ ലോകം ആണെന്ന് നാം നമ്മുടെ ഇടയില്‍ ഉള്ള ആളുകളെ തന്നെ മാറി നിന്നു നിരീക്ഷിച്ചാല്‍ മനസ്സിലാക്കാന്‍ ആകും .

അല്ല ഇപ്പൊ ഇതാ പണി ആളുകളെ നിരീക്ഷണം ചെയ്തിട്ട് എന്ത് കിട്ടാനാണ്‌ . നമ്മക്ക് വേറെ പണിയുണ്ട് , നിങ്ങളൊന്നു പോയേപ്പാ എന്നല്ലേ നിങ്ങള്‍ വിചാരിക്കുന്നത് . തന്നെ തന്നെ നിങ്ങളുടെ ഇപ്പോഴത്തെ ചലനം ഞാന്‍ മനസ്സില്‍ കുറിച്ചു വച്ചിട്ടുണ്ട് . അതില്‍ ഒരു കുരങ്ങന്‍ ചാട്ടം പോലും ഒളിഞ്ഞിരിപ്പുണ്ട് . സത്യമായും ഉണ്ട് . സംശയം ഉണ്ടെന്നാല്‍ കണ്ണാടിക്കുമുന്നില്‍ നിങ്ങള്‍ അതൊന്നു അവാര്‍ത്തിച്ച് ശേഷം വിലയിരുത്തൂ ..

Saturday, 25 April 2015

രണ്ടു കണ്ണുകളുടെ കഥ

ഒരു ചെറു കഥ പറയാം ,രണ്ടു കണ്ണുകളുടെ കഥ .
ഒരിടത്ത് ഒരിടത്ത് ഒരു അന്ധ ബാലിക ഉണ്ടായിരുന്നു .അവൾക്കു കൂട്ടായി എന്നും ഒരു കുമാരൻ വരുമായിരുന്നു അവൾക്കു അവനോടു മാത്രമായിരുന്നു സ്നേഹം അമ്മയോടില്ലത്ത അച്ഛനോട് ഇല്ലാത്ത സഹോദരങ്ങലോടില്ലാത്ത അടുപ്പം ആയിരുന്നു അത് ,അങ്ങിനെ കുമാരീ കുമാരന്മാർ വളർന്നു വിവാഹ പ്രായം ആയി .മാതാപിതാക്കൾ പെണ്‍കുട്ടിക്ക് കല്യാണം ആലോചിച്ചു തുടങ്ങി അവൾ പറഞ്ഞു എനിക്ക് വിവാഹം വേണ്ട അഥവാ എനിക്ക് കണ്ണിനു കാഴ്ച കിട്ടുക ആണെങ്കിൽ എന്റെ സ്നേഹിതൻ ആയ കുമാരനെ കല്യാണം കഴിക്കും .അതറിഞ്ഞ കുമാരൻ അവളോട്‌ ചോദിച്ചു നിനക്ക് കാഴ്ച കിട്ടിയാൽ കല്യാണം കഴിക്കും എങ്കിൽ അതിനു ഉള്ള സംവിധാനം ഉണ്ടാക്കാം അങ്ങിനെ ആ യുവാവ് അവൾക്കായി രണ്ടു ജോഡി കണ്ണുകൾ കണ്ടെത്തി നല്കി ശസ്ത്രക്രിയ നടത്തി അവൾക്കു ലോകം കാണാൻ ആയി . അവൾ എല്ലാവരെയും കണ്ടു അമ്മയെ അച്ഛനെ സഹോദരങ്ങളെ കാമുകനെ എല്ലാവരെയും കണ്ടു . അപ്പോൾ കാമുകൻ ചോദിച്ചു പ്രിയേ ഇനി നിനക്ക് എന്നെ പരിണയിക്കാമോ ? അവൾ അവനെ നോക്കി അവനും അന്ധൻ ആയിരുന്നു , അവൾ പറഞ്ഞു ഇല്ല നിന്നെ കല്യാണം കഴിക്കാൻ എനിക്ക് ആവില്ല .ഒരു കാഴ്ചയില്ലാത്ത ഒരാളെ വിവാഹം കഴിക്കാൻ ഞാൻ ഒരുക്കം അല്ല . അവൻ അവിടെ നിന്ന് പോയി .

പിന്നീട് അവൾക്കായി അവൻ ഒരു എഴുത്ത് അയച്ചു ,പ്രിയേ കഴിഞ്ഞ ഇരുപതു വർഷങ്ങൾ ആയി ഞാൻ ലോകത്തെ നോക്കി കണ്ട എന്റെ ഏറെ പ്രിയമുള്ള നീല കണ്ണുകൾ കൊണ്ടാണ് നീ ഇന്ന് ലോകത്തെ കാണുന്നത് . ഞാനാണ് നിനക്ക് കണ്ണുകൾ നൽകിയത് , ഞാൻ കരുതി കഴിഞ്ഞ ഇരുപതു വർഷം ഞാൻ ലോകം കണ്ടു ഇതുവരെ അത് കാണാൻ ഭാഗ്യം ഇല്ലാത്ത എന്റെ പ്രിയപ്പെട്ടവൾ ഇനി മനോഹരം ആയ ഈ ലോകം കാണട്ടെ , അവൾ എന്റെ കൈകൾ പിടിച്ചു നടത്തട്ടെ എന്ന് കരുതി ..
ഇനി അങ്ങോട്ട്‌ ഞാൻ ഇല്ല എന്റെ കണ്ണുകൾ മാത്രം നിന്നിലൂടെ ജീവിക്കും എന്ന പ്രത്യാശയോടെ ഞാൻ പോകുന്നു ,
കൂട്ടരേ പിന്നെ കഥ എന്തായി എന്ന് എനിക്ക് അറിഞ്ഞു കൂടാ നിങ്ങൾക്ക് ഈ കഥ പൂരിപ്പിക്കാൻ ആകുമോ എന്ന് നോക്കൂ ..

Tuesday, 25 March 2014

മനുഷ്യന്‍ ഒരു മായാ ശില്‍പം
ചലനം സജീവത ചിന്ത ശബ്ദം
സ്നേഹം പ്രണയം കാമം
രൌദ്രം സൌമ്യം എല്ലാം ചേര്‍ന്നത്

ഭാവനയ്ക്ക് ചിറകുള്ളവന്‍ മര്‍ത്യന്‍
ഭൂതലം ചുവടാക്കി വാനം തേടിയോന്‍
സാഗരനീലിമയില്‍ ആഴം തിരഞ്ഞവന്‍
ഹിമ ശൈലങ്ങളില്‍ ചുവട ളന്നവന്‍

ഇല്ലവന് തുല്ല്യമൊരു ജീവനും ജീവിയും
ഇല്ലവനുമേലൊരു ബുദ്ധിയും ശക്തിയും
ഉപരിയൊരു ശക്തിയുമില്ലവനെ വെല്ലാന്‍
അധികാരിയില്ലവന് ആരാധ്യനില്ല

നഗ്നന്‍ സ്വതന്ത്രന്‍ ജന്മനാല്‍
കര്‍മ്മ സര്‍ഗ ശേഷികള്‍ക്കുടയവന്‍
വിശേഷാകാരമുടയ ശില്‍പമവന്‍
നരന്‍ പ്രകൃതി യുടെ മഹദ് വരം

Friday, 14 March 2014

guruumer: മധ്വജനങ്ങള്‍ക്ക് മാര്‍ദ്ധവമില്ലെന്നാല്‍ ഉദ്ധ്യെഷശു...

guruumer: മധ്വജനങ്ങള്‍ക്ക് മാര്‍ദ്ധവമില്ലെന്നാല്‍ ഉദ്ധ്യെഷശു...: പ്രിയമുയടവര്‍ നിങ്ങള്‍ പലര്‍ അതില്‍ചിലരോ ശ്രേഷ്ഠരില്‍ഗുരുത്വമാര്‍ന്നവര്‍,എന്നില്‍ എളിയവര്‍പലരുമേറെപ്രിയതരരര്‍,പ്രാണനോട് ചേര്‍ത്തു പുണര്‍ന്നവ...

Thursday, 13 March 2014

മധ്വജനങ്ങള്‍ക്ക് മാര്‍ദ്ധവമില്ലെന്നാല്‍ ഉദ്ധ്യെഷശുദ്ധിയാല്‍ മാപ്പ് നല്ക

പ്രിയമുയടവര്‍ നിങ്ങള്‍ പലര്‍ അതില്‍ചിലരോ ശ്രേഷ്ഠരില്‍ഗുരുത്വമാര്‍ന്നവര്‍,എന്നില്‍ എളിയവര്‍പലരുമേറെപ്രിയതരരര്‍,പ്രാണനോട് ചേര്‍ത്തു പുണര്‍ന്നവര്‍.. എങ്കിലും പറയാന്‍ ഉള്ളവ അപ്രിയഭീതി കാരണാല്‍ ഞാന്‍ പറഞ്ഞില്ല എന്നാല്‍ പ്രിയരേ ഞാന്‍ എന്നത് അചേതനംആയ ശിലയോ ജീ വാംശം ഉണ്ടെന്നാലുംഭാഷാപ്രഘോഷംആവില്ലാത്ത തരുവോ എന്നപോലെ ഈ ധരണിയില്‍ കാലം മായിച്ചു കളയുന്നതുവരെ നിലന്നിന്നു അവസാനിച്ചു പോകുമെന്നല്ലാതെ ഞാന്‍ എന്നജൈവ വസ്തുവിന്‍റെതായ ഒരു അടയാളവും ശേഷിക്കില്ലലോ , ആയതിനാല്‍ കാറ്റില്‍ മര്‍മ്മരം ഉതിര്‍ക്കുന്ന മഹാതരുവിലകള്‍ പോലെയോ തെരുവില്‍ ഭ്രാന്തം ആയി അലറുന്ന മതിഭ്രമിയെപോലെയോ രുദ്ര വീണാ കമ്പനമെന്ന പോലെയോ എക്താരയുടെതേങ്ങ ലെ ന്നപോലെയോ ഞാന്‍ ഇവിടെ തുടരെ വല്ലതും സംസാരിച്ചു കൊണ്ടേയിരിക്കുന്നു ,

ശബ്ദം ഇല്ലാത്തവരുടെ ഒരു വലിയ ശബ്ദം ആയി മാറിയിരിക്കുന്നു ഇന്നീ സൈബര്‍ ഇടം പൊങ്ങച്ചം മുതല്‍ ആത്മ രതിവരെ പ്രകാശിപ്പിക്കുന്ന ഇടം ആണെന്നാലും വളരെ ഫല പ്രദം ആയി തന്നെ പാര്‍ശ്വ വല്കരിക്കപ്പെട്ടവരുടെ ശബ്ദവും ഇവിടെ ഉയര്‍ത്താന്‍ ആവുന്നുണ്ടെന്നത് സത്യം .

ഈ വല കണ്ണിക്ക്‌ ഇന്ന് ഇരുപത്തി അഞ്ചു വയസ്സ് തികയുന്ന ഈ അവസരത്തില്‍ [1989 മാര്‍ച്ച് പതിമൂന്നു ] ഈ വേള്‍ഡ് വൈഡ് വെബ് ആവിഷ്ക്കരിച്ച കണികാ ശാസ്ത്രഞ്ജന്‍ ടിംബെനേര്സുലീയെയും അദ്ധേഹത്തിന്റെ സഹപ്രവര്‍ത്തകരെയും ഓര്‍ക്കാം .. ശാസ്ത്രം നമുക്ക് തന്ന ഈ മഹത്തായ ഇടം കപട ശാസ്ത്രക്കാരും നാക്കെടുത്താല്‍ നമ്മള്‍ ചാത്തിരം ആണെന്ന് പറഞ്ഞു ആളുകളെ പിഴപ്പിക്കുന്ന മത കാപട്യക്കാരും നന്നായി ഉപയോഗിക്കുന്നത് എന്നതും വലിയ വൈരുധ്യം തന്നെ ,

എല്ലാം നമുക്ക് അനുവദിക്കാം കാരണം നാം പൂര്‍ണ്ണമായും മനുഷ്യന്‍റെസമ്പൂര്‍ണ്ണ സ്വാതന്ത്യത്തില്‍ വിശ്വസിക്കുന്നു എന്നത് കൊണ്ട് ഈ വലസ്ഥലിയില്‍ ഇരുന്നു തികച്ചും ജനാധിപത്യ രീതിയില്‍ നമ്മുടെ അഭിപ്രായങ്ങള്‍ പറയും വിമര്‍ശം നടത്തുന്നതിനായി വിരല്‍ ചലിപ്പിക്കും ,അപ്രിയം ആണെന്നാലും നമ്മുടെ ജിഹ്വ സത്യം ഉല്ഘോഷിക്കും

മദ്വജനങ്ങള്‍ക്ക് മാര്‍ദ്ധവമില്ലെന്നാല്‍ ഉദ്ദേശ്യശുദ്ധിയാല്‍ മാപ്പ് ചെയ്ക ...