സദഫുകളുടെ ആത്മ ഭാഷണം

ഹാതിം തായ് പാടുമ്പോളതുസദ
സദഫുകളുടെ ആത്മ ഭാഷണം -
പോല്‍തോന്നുന്നില്ലെന്നാല്‍ കാമുകാ
ഷിരാസിലെ മണ്‍കുടിലില്‍ പിറന്ന
കാഞ്ചന നിറമുള്ള നീല കണ്ണുള്ള
കാമുകി നിനക്കില്ലാതെ പോയി എന്നാണ്

ഖയ്യാം പാടുമ്പോള്‍ നിന്നില്‍
ഉലക പ്രണയം നിറയുന്നില്ലെന്നാല്‍
യുവാവേ , നീ വീഞ്ഞിന്‍ലഹരിയും
കാമത്തിന്റെ ഉന്മാദവും
പ്രണയത്തിന്റെ ലയ താളവുംകാമുകിയുടെ -
അധര മധുരവും അറിഞ്ഞില്ല എന്നാണ്

ഓ മാമല നാട്ടിലെ യുവത്വമേ
സ്വര്‍ഗീയാരാമം പോലൊരു നാടും
കടലും കാറ്റും മഞ്ഞും കുളിരും
മഴതന്‍ സംഗീതവും സ്വര്‍ണ്ണ വെയിലും
നിന്നെ പ്രണയി ആക്കുന്നില്ലയെങ്കില്‍
നീ വെറും മയ്യിത്ത് ആയതു കൊണ്ടാണ്

ഹാത്തിം തായ് = പേര്‍ഷ്യന്‍ കവി
ഖയ്യാം = ഉമര്‍ ഖയ്യാം
സദഫ്= മുത്തു ചിപ്പി
ഷിറാസ് = പേര്‍ഷ്യന്‍ കടല്‍ തീര ഗ്രാമം
മയ്യിത്ത് = ശവം

മരിച്ചു വീഴും മുന്‍പെഴുന്നു നില്‍ക്കും

ഒരു നാഴി കനല്‍ ചുമട് തലയില്‍ തരിക
അഴലിന്റെ ആഴിയും തീര്‍ക്കുക
നടവഴികളില്‍ ഞെരിഞ്ഞില്‍ മുള്ളുകള്‍ -
വിതച്ചു പരവതാനി ഒരുക്കുക
നഞ്ചില്‍ മുക്കിയ വിഷസൂചി കണ്ണിലും
നെഞ്ചിലേക്ക് ഒരിരട്ടക്കുഴലും ചൂണ്ടുക

ഉടലില്‍ തീതൈലം തളിക്കുക
മനം തുളച്ചകം നീറ്റാന്‍ എരിവുള്ള വാക്കുകള്‍-
കര്‍ണ്ണ പുടങ്ങളില്‍ തിരുകുക
ഇടവഴികളില്‍ ഒടിയനെ നിര്‍ത്തുക
മന്ത്രം ജപിച്ചു മായം മറിഞ്ഞെന്റെ-
കുടല്‍ കുത്തി പിളര്‍ക്കുക

കനല്‍ ചുമന്നു കരിഞ്ഞ ശിരസ്സും
ഞെരിഞ്ഞുടഞ്ഞ തനുവും
പിളര്‍ന്ന ഉദരവും താങ്ങി
കണ്ണ് കെട്ടവന്‍ ഞാന്‍ വഴിനടന്നെത്തും
അകകാമ്പില്‍ പന്തം കൊളുത്തി
പോരുതാന്‍ ഉറച്ചു ഞാന്‍ വരും

വാഴ്വിനായ് പൊരുതി മുന്നേറും
നിങ്ങള്‍ തടഞ്ഞ കാറ്റിന്‍വഴി തുറക്കും
സ്വന്തമാക്കിയ നീര്‍ത്തടങ്ങള്‍ തീണ്ടും
സ്വാതന്ത്ര്യത്തിന്റെ വെളി നിലം താണ്ടും
മരിച്ചു വീഴും മുന്‍പെഴുന്നു നില്‍ക്കും
ഇരു നാഴി കനല്‍ എങ്കിലും പകരം തരും

ഈ മനോഹര ഭൂവില്‍ ,രാത്രിയില്‍

അബുദാബിയുടെ ഇന്നത്തെ ആകാശം വളരെ മനോഹരമാണ് ,സംഹ വില്ലേജിലെ തോട്ടങ്ങള്‍ക്ക് ഇടയില്‍ കൂടി വിജനവും ശാന്തവുമായ് വഴികളിലൂടെ ഞാന്‍ ആകാശത്തിന്റെ മനോഹാരിതയില്‍ സ്വച്ചന്ദ സുന്ദര ശാന്തിയില്‍ അലിഞ്ഞു നടന്നു വന്നു ,ഇത് കുറിക്കാന്‍ ഇരിക്കയാണ് ,മരുഭൂമി ഏറ്റവും മനോഹരി ആകുക ഈ കാലങ്ങളില്‍ ആണ് ,തണുത്ത പ്രഭാതങ്ങളെ അത് നമുക്കായി കരുതി വയ്ക്കുന്നു ,മനോഹര രാത്രികളില്‍ ആകാശത്തു ദീപങ്ങള്‍ കൊളുത്തി വച്ചു നമ്മെ വഴി നടത്തുന്നു , ഞാന്‍ കടന്നു വഴികളില്‍ ഉടനീളം ചിരി തൂകി കുണുങ്ങി കുലുങ്ങി ശോഭിത ചന്ദ്രനും ഉണ്ടായിരുന്നു , അങ്ങകലെ സപ്തര്‍ഷികളുടെ കോണില്‍ വലതു ഭാഗത്ത് മാര്‍സ് ദേവനും , ഇടയ്ക്കിടയ്ക്ക് കണ്ണുചിമ്മി ചിമ്മി സുരയ്യാ നക്ഷത്രവും , ക്ഷീരപഥങ്ങളും ,നക്ഷത്ര കൂട്ടങ്ങളും എല്ലാം തെളിഞ്ഞു കാണാവുന്ന മനോഹര രാത്രികള്‍ സമ്മാനിക്കാന്‍ മരുഭൂമിക്കു ആകുന്നതു പോലെ മറ്റൊരു ഭൂവിഭാഗത്തി നും ആകുമെന്നു തോന്നു ന്നില്ല , ഒരു പക്ഷെ കടല്‍ യാത്രികര്‍ക്ക് പറയാന്‍ ആയേക്കാം , മരുഭൂമിയെ കാള്‍ തുറന്ന ആകാശക്കാഴ്ച്ചകള്‍ കടലില്‍ സാധ്യമാണെന്ന് തോന്നുന്നു ,,

പറഞ്ഞു വന്നത് ഈ ഭൂമിയില്‍ അല്ലാതെ മറ്റൊരു ഗ്രഹത്തിലാണ് നാം ജനിച്ചിരുന്നത് എങ്കില്‍ എങ്ങിനെയാണ് മനസിനെ ഉന്മത്തം ആക്കുന്ന കാഴ്ച്ചകള്‍ കാണാകുക. ഈ മനോഹരവും ഉര്‍വ്വരവും ആയ ഭൂമിയിലെ ജീവിതം എത്ര തന്നെ ശപ്തംആണെന്നാലും ഇതുപെക്ഷിച്ച് എങ്ങിനെ ആണ് ഞാന്‍ മറ്റൊരു സ്വര്‍ഗം തേടി പ്പോകുക ? ഇല്ലതന്നെ മറ്റൊരു പറുദീസ ഉണ്ടെന്നു നിങ്ങള്‍ രേഖാമൂലം എഴുതി ഉറപ്പു തന്നാലും ഞാന്‍ അങ്ങോട്ട്‌ വരില്ലതന്നെ , ഞാനീ മരുഭൂമികളില്‍ വഴി നടന്നു കൊള്ളാം ,ഞാന്‍ എന്റെ പാലപൂത്ത കുന്നുകളില്‍ നിശാചരികളും ആയി സല്ലപിച്ചിരുന്നു കൊള്ളാം . കാനനചോലകളില്‍ തണുപ്പിച്ച വീഞ്ഞ് മോന്തി ഞാവല്‍ പഴങ്ങള്‍ പെറുക്കി തിന്നു പുല്‍മേടുകളില്‍ ഇഴഞ്ഞു കൊള്ളാം ,,

ഫകീറിന്റെ പാഥേയം ഏതേതു യാത്രാ പഥങ്ങളില്‍ നിന്നാണോ പൊതിഞ്ഞെടുക്കാന്‍ ആവുക , ഏതുതരുതണലില്‍ ആണ് വിശ്രമ സങ്കേതം ലഭ്യം ആകുക എവിടെ ആണ് അവസാനം വീണു ഒടുങ്ങാന്‍ ആകുക എന്നതൊന്നും കേവലം യാത്രികന്‍ ആയ ഒരാളിന് വിഷയം ആകേണ്ടതില്ല , പക്ഷെ ഒന്ന് ഉറപ്പാണ് ,ഈ ഭൂമിയില്‍ അവസാനിക്കുന്നതാണീ യാത്ര ,, മറ്റൊരു യാത്രയ്ക്ക് സാധ്യത ഇല്ല തന്നെ ,, ഓ പ്രിയ ധരിത്രീ മനോഹരി ആയ നിന്റെ മടിത്തട്ടില്‍ ജനിക്കാന്‍ നിന്റെ മാറില്‍ പുളച്ചു ജീവിക്കാന്‍ അവസാനം നിന്റെ കാല്‍പാദത്തില്‍ഒടുങ്ങാന്‍ അവസരംതരുന്ന നീ തന്നെ ആരാധ്യ . ഇല്ല അപ്പോഴും ഞാന്‍ നിനക്കായി സ്തുതി ഗീതികള്‍ പാടില്ല , ഇല്ല ജപ മണികള്‍ തിരിക്കില്ല

ഗുലാബി ഗാങ്ങ്

ഗുലാബി ഗാങ്ങിനെ കുറിച്ചു നേരത്തെ എഴുതിയിരുന്നു എന്ന് തോന്നുന്നു , അവരുടെ നേതാവ് സമ്പത്ത് പാല്‍ ദേവിയെ കുറിച്ചും . ഈ ഗാങ്ങ് പിങ്ക് ലേഡീസ് എന്ന പേരില്‍ ഇന്ന് ലോക പ്രശസ്തം ആണ് , പക്ഷെ നമ്മുടെ പെണ്ണുങ്ങള്‍ പോലും അവരെ കുറിച്ചു മനസ്സിലാക്കി എന്ന് തോന്നുന്നില്ല , ഉത്തര്‍ പ്രദേശിലെ ബണ്ടി വില്ലേജില്‍ നിന്ന് തുടങ്ങിയ ഈ സ്ത്രീ ശാക്തീകരണ ഗ്രൂപ്പിന്റെ ഇന്നത്തെ അംഗ സംഖ്യ 20000 ത്തില്‍ അധികം ആണ് ഉത്തര്‍ പ്രദേശിലെ ഏകദേശം അഞ്ഞൂറോളം ഗ്രാമങ്ങളില്‍ അവര്‍ പ്രവര്‍ത്തിച്ചു വരുന്നു .

ഗാങ്ങ് എന്ന് കേള്‍ക്കുമ്പോള്‍ നമ്മുടെ മനസ്സില്‍ വരിക നാട്ടിലെ കവലകളില്‍ കൂട്ടം കൂടി ഇരുന്നു മര്‍ക്കട സ്വഭാവം കാണിക്കുന്ന ഗ്രൂപ്പിനെ ആണ് , പക്ഷെ ഈ ഗുലാബി സാരി ധാരികള്‍ അങ്ങനെ ഒരു ഗ്രൂപ്പ് അല്ല , അവരുടെ കയ്യില്‍ ഒരു വടി ഉണ്ട് അത് ,ഭാര്യ മാരെ തല്ലുന്ന ഭര്‍ത്താക്കന്മാരെ തല്ലി ശരിയാക്കാന്‍ ഉള്ളത് ആണ് ,തീര്‍ത്തും പുരുഷ മേധാവിത്തം ഉള്ള ഉത്തര ദേശ ഗ്രാമങ്ങളില്‍ ഇവരുണ്ടാക്കിയ മാറ്റം അത്ഭുത പ്പെടുത്തുന്നതാണ് , സ്ത്രീ ശാക്തീകരണം എന്നാല്‍ വായിട്ടു അലക്കല്‍ അല്ല , പ്രവര്‍ത്തിച്ചു കാണിക്കല്‍ ആണ് എന്ന് അവര്‍ ലോകത്തെ ബോധ്യപ്പെടുത്തുന്നു , എവിടെ സ്ത്രീധനത്തിനായി വിലപേശല്‍ നടക്കുന്നുവോ ഗുലാബി പെണ്ണുങ്ങള്‍ അവിടെ എത്തും ചോദ്യം ചെയ്യും , ബാല വിവാഹം , സ്ത്രീകള്‍ക്ക്നേ രെ ഉള്ള അതിക്രമം തുടങ്ങിയവ തടയും പെണ്‍കുട്ടികള്‍ക്ക് വിദ്യാഭ്യാസത്തിനു ആയി സംവിധാനം ഒരുക്കും , അതിനായി ബോധ വല്‍കരണം നടത്തും , സ്ത്രീകളെ ഭേദ്യം ചെയ്യുന്നത് നിര്‍ത്തിയില്ല എങ്കില്‍ അടി കിട്ടും ഉറപ്പു ,
ഈ ഗ്രൂപ്പിന്റെ തുടക്കം രസാ വഹം ആണ് , തന്റെ ഗ്രാമത്തില്‍ ഭാര്യയെ പൊതു ഇടത്തില്‍ ഇട്ടു പ്രഹരിക്കുന്ന ഭര്‍ത്താവിനു ചുറ്റും ആളുകള്‍ കൂടി നിന്നിരുന്നു എങ്കിലും ആരും അത് തടയുന്നില്ല , അടി കിട്ടുന്ന സ്ത്രീ ആകട്ടെ കരഞ്ഞു കൊണ്ട് അടി കൊള്ളുക അല്ലാതെ അതിനെ തടയാന്‍ പോലും ശ്രമിക്കയും ചെയ്യുന്നില്ല , സമ്പത്ത് പാല്‍ ദേവി അവിടെ കടന്നു ചെന്ന് അയാളോട് അടിക്കരുത് എന്ന് പറഞ്ഞു എങ്കിലും അയാള്‍ അവരോടു കയര്‍ക്കുക ആണ് ചെയ്തത് , ആള്‍കൂട്ടം അയാള്‍ക്ക് അനുകൂലം ആയി പ്രതികരിക്ക്കുകയും ചെയ്തു, സമ്പത്ത് തിരിച്ചു തന്റെ ഗ്രാമത്തില്‍ ചെന്ന് ഒരു കൂട്ടം സ്ത്രീകളും ആയി തിരിച്ചു വന്നു , അയാളോട് ഇനി മുതല്‍ ഭാര്യയെ തല്ലരുത് എന്ന് പറഞ്ഞു ,പക്ഷെ അയാള്‍ തെറ്റ് സമ്മതിക്കാന്‍ കൂട്ടാക്കിയില്ല , ഇവിടെ തുടങ്ങുന്നു ഗുലാബികളുടെ മുളം കോല്‍ പ്രയോഗം ,അയാളെ പെണ്ണുങ്ങള്‍ വളഞ്ഞിട്ട് തല്ലി, അയാള്‍ ഇനി മുതല്‍ ഭാര്യയെ തല്ലില്ല എന്ന് സമ്മതിക്കുന്നത് വരെ .

ഇവിടെ ഒരു കാര്യം അവര്‍ മനസ്സിലാക്കി ഒറ്റയ്ക്ക് നിന്ന് അവര്‍ക്ക് ഒന്നും ചെയ്യാന്‍ ആകില്ല ,സംഘടിച്ചു നിന്നാല്‍ എന്തും ചെയ്യാന്‍ ആകും , തുടര്‍ന്ന് അങ്ങോട്ട്‌ അവര്‍ പിങ്ക് കളര്‍ സാരി ധരിച്ചു മേല്‍ പ്രവര്‍ത്തങ്ങള്‍ക്ക് ഇറങ്ങി ,പുരുഷന്‍ മാര്‍ തടയാന്‍ ശ്രമിച്ചു എങ്കിലും സാധ്യമായില്ല , ഇന്ന് ഇവര്‍ ഒരു വലിയ ശക്തി ആണ് രാഷ്ട്രീയം ഇല്ലാത്ത ഇവരെ ഇന്ന് രാഷ്ടീയക്കാര്‍ക്കും വേണം ,പേടിയുമാണ് ,, പക്ഷെ ഇത് കണ്ടു കേരളത്തിലെ ഫെമിനിസ്റ്റുകള്‍ തുള്ളി ച്ചാടി ലാത്തിയും ആയി വരേണ്ട കാരണം കേരളത്തില്‍ പൊതു നിരത്തില്‍ അല്ല പീഡനം കിടക്കറയില്‍ ആണ് , നിരന്തരം അടി കിട്ടി വീര്‍ത്ത മുഖം ഉള്ള മലയാളി ഭാവശുദ്ധിക്കാരി ആയ ഫാര്യയോട്‌ നിങ്ങള്‍ പോയി ചോദിക്കൂ നിങ്ങള്‍ പീഡിപ്പിക്ക പ്പെടുന്നുണ്ടോ എന്ന് , ആ പതിവ്രത നിങ്ങളോട് പറയും എന്റെ ഫര്‍ത്താവ് തൂവല്‍ കൊണ്ട് തഴുകി ആണ് ഉറക്കുക എന്ന് . അത്രമേല്‍ കാപട്യം ഉള്ള സമൂഹം പരിവര്‍ത്തനം കൊള്ളില്ല , ഉറപ്പു ,

കള്ളി പാലകള്‍ പൂത്തു

ഈമനോഹര ഭൂവില്‍

ഞാന്‍ ഇന്ന് വലിയ ഒരു ഫിലോസഫി പറയാം , നമ്മുടെ ഈ ശരീരം ആത്മാവ് ജീര്‍ണ്ണ വസ്ത്രം എന്നപോലെ ഈ ഭൂമിയില്‍ ഉപേക്ഷിച്ചു പോകും എന്ന് വേദാന്തികള്‍ പറയുന്നു ആത്മാവ് എന്ന ഒന്ന് ഞാന്‍ ഇതുവരെ അനുഭവിച്ചിട്ടില്ല ഇനി അയാള്‍ ഉണ്ടെങ്കില്‍ ഉണ്ടാവട്ടെ ഉപേക്ഷിച്ചു പോകുന്നു എന്നാല്‍ പോകട്ടെ ,പക്ഷെ എന്റെ ഈ ശരീരത്തിന് ഇവിടെ ജീവിച്ചേ പറ്റൂ , വെറും ജീവനം അല്ല പുതു തലമുറയുടെ ഭാഷയില്‍ പറഞ്ഞാല്‍ അടിപൊളി ജീവിതം തന്നെ വേണം .അതിനായി ആണ് ഞാന്‍ കര്‍മ്മം ചെയ്യുക എന്റെ ധര്‍മ്മം എന്നത് ജീവിക്കുക എന്ന്ത്‌ാകയാല്‍ ജീവനത്തിന് ആയുള്ള ഏതേതു കര്‍മ്മവും ധര്‍മ്മമാണെന്ന് കരുതുന്നു , ഈ ഭൂമി അല്ലാതെ മറ്റൊരു ഇടം ജീവനത്തിന് പ്രാപ്തം ആണ് എന്ന് അറിവ് ഇല്ലാതിരിക്കെ മറ്റൊരു ലോകത്തേക്ക് വേണ്ടി എന്തെങ്കിലും നീക്കി യിരിപ്പ് ഉണ്ടാക്കി വയ്ക്കാന്‍ ഞാന്‍ തയാര്‍ അല്ല ,ഈ മനോഹര ഭൂവില്‍ എനിക്കും സഹ ജീവികള്‍ക്കും ആയി പ്രക്രതി സ്നേഹപൂര്‍വ്വം വം ഒരുക്കി വച്ച വിഭവങ്ങള്‍ അതെന്തുതന്നെ ആയാലും അനുഭവിച്ചു ആസ്വദിച്ചു ,മണ്ണും പെണ്ണും മദിരയും മധുരവും എല്ലാം ഭോഗം ചെയ്തു മണ്ണില്‍ ഒടുങ്ങുക അല്ലാതെ മറ്റൊരു ദൌത്യം എനിക്ക് ഉണ്ടെന്നു ഞാന്‍ കരുതുന്നില്ല , ഞാന്‍ ജീവിക്കുന്നതിനു ഒപ്പം എന്റെ പരിസരത്തെ ജീവിക്കാന്‍ അനുവധിക്കയും ,സഹജീവനംബുദ്ധി മുട്ടില്ലാതെ ഇരിക്കാന്‍ മറ്റുള്ളവരും ആയി കലഹം ഇല്ലാതെ സൌഹാര്‍ദ്ധത്തോടെ വര്‍ത്തിക്കാനും ഞാന്‍ പ്രതിന്ജ്ജാബദ്ധന്‍ആയിരിക്കയും ചെയ്യും , ഈ കാലം വരെ സുഖ ദുഃഖ സമ്മിശ്രം ആയ ഒരു സുന്ദര ജീവിതം എനിക്ക് സാധ്യം ആയിട്ടുണ്ട്‌ എന്ന് ഞാന്‍ കരുതുന്നു , ഇനി അങ്ങോട്ട്‌ ശരീര കലകള്‍ വാര്‍ദ്ധക്യ ലക്ഷണങ്ങള്‍ കാണിച്ച് തുടങ്ങിയ നിലക്ക് കാട്ടുകുതിരയെ പോലെ കുതിച്ചു പായാനും മേടുകളില്‍ മേയാനും പരിമിതികള്‍ ഉണ്ട് എന്നറിയാം ,എന്നാല്‍ പോലും ജീവിതം ആസ്വദിക്കുന്നതില്‍ നിന്ന് അതെന്നെ തടയില്ല എന്ന് ഞാന്‍ കരുതുന്നു ,ഇനി വേദാന്തികള്‍ പറയുംപോലെ ഈ ജീര്‍ണ്ണ വസ്ത്രത്തെ ഉരിഞ്ഞെരിയാന്‍ ആത്മന്‍ ശ്രമിക്കുന്നു എന്നാല്‍ അത് തടയാന്‍ ഉള്ള മാര്‍ഗവ്വും ഞാന്‍ അന്വേഷിക്കും ,കാരണം ഈ ഭൂമിയില്‍ അല്ലാതെ മറ്റൊരിടത്ത് ഇത്രമാനോഹരം ആയ ജീവിതം സാധ്യം അല്ല തന്നെ ,, ആയതിനാല്‍ കൂട്ടരെ ഈ ജീവിതം ആസ്വദിക്കാന്‍ ആയി എന്നെ ഒരു സഹജീവി എന്നനിലയില്‍ സഹായിച്ചാലും ....

സാത്താന്‍ സാഹിബു വിചാരിച്ചാല്‍ പോലും

മുന്‍പ് ആനയെ പുരപ്പുറത്തു കയറ്റുന്നത് എന്ന പേരില്‍ ഒരു കുറിപ്പ് എഴുതുക ഉണ്ടായിട്ടുണ്ട് , നാട്ടില്‍ മുക്കിനു മുക്കിനു പള്ളികള്‍ ഉയര്‍ന്നു വരികയും ഭൂമിയുടെ ഉപഭോഗം വല്ലാതെ വര്‍ദ്ധിക്കയും ചെയ്ത സാഹചര്യത്തില്‍  നഗരങ്ങളില്‍ എങ്കിലും പള്ളികള്‍ ഫ്ലാറ്റ് സമുച്ചയങ്ങളുടെ മേല്‍ പ്പുരകളില്‍ പണി യെണ്ടുനതിനെ കുറിച്ചു ആയിരുന്നു ആകുറിപ്പ് ,  മാത്രമല്ല പള്ളികള്‍  ഉപയോഗിച്ചു കളയുന്ന ജലത്തിന്റെ അളവ് കുറക്കാന്‍ ആയി അവരവരുടെ വീടുകളില്‍ നിന്ന് അബ്ലുഷന്‍ ചെയ്തു വരേണ്ടതിനെ കുറിച്ചും അന്ന് പറഞ്ഞു , അത് വലിയ എതിര്‍പ്പുകള്‍ ഉണ്ടാക്കിയെങ്കിലും  ചിന്തിക്കുന്ന കുറെ പേര്‍  അനുകൂലം ആയി പ്രതികരിക്കുക ഉണ്ടായി ,  ഇന്നിപ്പോള്‍  ഈ കുറിപ്പ് വീണ്ടും എഴുതുന്നത്‌ ,ഒരു ഓര്‍മ്മിപ്പികള്‍ എന്നനിലക്കു ആണ് ,  എന്റെ നാടിനു അടുത്തത് കേവലം  ഇരു പത് വര്ഷം മുന്‍പ് പണിത പള്ളി  വിപുലമായി പൊളിച്ചു പണിതത് കണ്ടപ്പോള്‍  ഞാന്‍ ഈ പറഞ്ഞ കാര്യം ഒന്ന് കൂടി പ്രസക്തം ആണ് എന്ന് തോന്നി , പൊതു കെട്ടിടങ്ങള്‍ എല്ലാം തന്നെ  ലഭ്യം ആവുന്ന സഥലം പ്രായോഗികം ആയി ഉപയോഗിച്ചു  ഒരൊറ്റ കെട്ടിടം ആയി പണിയാന്‍ കഴിയും , മ്ദ്രസയ്ക്ക് വേണ്ടി ഒരു ഏക്കര്‍  പള്ളിക്ക് വേണ്ടി അര ഏക്കര്‍  ലൈബ്രറിക്ക് വേണ്ടി വേറേ കെട്ടിടം  എന്നിങ്ങനെ പണിയുന്നത് ആണ് ഇന്നത്തെ രീതി , ഭൂമിയുടെ വിലകൂടി വരികയും ലഭ്യത കുറഞ്ഞു വരികയും ചെയ്യുകയാണ് , അപ്പോള്‍ പള്ളികള്‍ക്ക് വേണ്ടി എടുക്കുന്ന സ്ഥലം തന്നെ ഇതിനെല്ലാം ഉപയോഗിക്കുന്ന രീതിയില്‍  ഒരു സംവിധാനം വേണ്ടത് ഉണ്ട് ,

മനുഷ്യര്‍ക്ക്‌  ജീവിക്കാന്‍ പള്ളിയുടെ ആവശ്യം ഇല്ല ,ഇന്നത്തെ ആധുനിക ജീവിതത്തില്‍  മദ്രസകള്‍ക്ക് പ്രസക്തിയും ഇല്ല , പിന്നെ ഇവവേണം എന്നത് ഒരു സാംസ്ക്കാരിക സമൂഹത്തിന്റെ ചിന്ഹം എന്ന നിലയില്‍ മാത്രമാണ് ,അതിനു വേണ്ടി ഇത്ര ഏറെ വിഭവങ്ങള്‍ പാഴില്‍ കളയുന്നത് കുറച്ചു പറഞ്ഞാല്‍ അധാര്‍മ്മികം ആണ് , ഞാന്‍ ഈ പറഞ്ഞ പള്ളിയുടെ തൊട്ടു അടുത്തു ഒരു മുസ്ലിം സംഘടനയുടെ കെട്ടിടം വെറുതെ കിടക്കുന്നു പുതിയ കൊണ്ക്രീട്റ്റ് കെട്ടിടമാണ്  അതിന്റെ മേലെ പള്ളി വളരെ വിശാലം ആയി പണിയാവുന്ന തരത്തില്‍   ഏരിയ  ഉണ്ട് ,അത് ഉപയോഗിക്കാന്‍ എന്ത് കൊണ്ട് ശ്രമിച്ചില്ല .? രണ്ടും പൊതു സ്ഥാപനം ആകുമ്പോള്‍ നാട്ടുകാര്‍ക്ക് തീരുമാനം എടുക്കാവുന്നതെ ഉള്ളൂ ,,

ഭാവി ഏറെ ആശങ്കാ കുലമാണ് ,ഭൂമി ഇന്ന്  ഉള്ളതിനേക്കാള്‍ ഒരിഞ്ചു അധികം ഉണ്ടാക്കാന്‍ ദൈവം എന്നല്ല അയാളുടെ എതിരാളി സാത്താന്‍ സാഹിബു വിചാരിച്ചാല്‍ പോലും കഴിയില്ല , അതിനു പോലും ആകുക മനുഷ്യന്റെ കര്‍മ്മ ശേഷിക്കു ആണ്  കടല്‍ നികത്തി കുറച്ചു ഒക്കെ ഹാബിട്ടാട്ടുകള്‍ ഉണ്ടാക്കാന്‍ മനുഷ്യന് കഴിയും . , അത് പോലെ വെള്ളം പോലുള്ള വിഭവങ്ങളും  ,ആയതിനാല്‍ പള്ളികള്‍  ചര്‍ച്ചുകള്‍ ക്ഷേത്രങ്ങള്‍ ഇവഎല്ലാം നിര്‍മ്മിക്കുന്നത്  നഗരങ്ങളില്‍ എങ്കിലും ഫ്ലാറ്റ് സമുച്ചയങ്ങളുടെ മേല്‍ നിലയില്‍ ആക്കണം , മുസ്ലിം സമൂഹം ആണ് പ്രാര്‍ഥനക്ക് എന്ന് പറഞ്ഞു ഇത്ര ഏറെ ജലം ദുര്‍വിനിയോഗം ചെയ്യുന്ന സമൂഹം ,സ്വന്തം വീട്ടില്‍ നിന്ന് ആകുമ്പോള്‍  ഇത് നിയന്ത്രിക്കാന്‍ ഓരോരുത്തരും ശ്രമിക്കും , വീടുകളില്‍ നിന്ന് ശുചി ആയി മേല്‍പ്പുരയിലെ പള്ളിയെലേക്ക് പോകൂ ,,, ഞാന്‍ ഇത് പറയുമ്പോള്‍ നേരത്തെ പറഞ്ഞ ആനയെ മേല്പ്പുരയില്‍ കയറ്റുന്ന പ്രയാസം ഒക്കെ ആദ്യം തോന്നും ,പക്ഷെ ഭാവി തലമുറയ്ക്ക് ഭൂമിയും ജലവും വിഭവങ്ങളും ശേഷിപ്പ് വേണം എന്നാല്‍ ഇങ്ങിനെ ചിന്തിച്ചേ മതിയാകൂ ,,,